FORT LEONARD WOOD, Mo. (AP) — Limang international soldier na nakabakasyon sa kanilang temporary assignment sa Fort Leonard Wood ang nalunod nang masiraan ang kanilang sasakyan sa isang madilim na kalsada sa southwest Missouri.
Pabalik na ang mga sundalo sa fort mula sa Osage Beach noong Sabado ng gabi nang anurin ng baha ang kanilang kotse sa Highway U malapit sa Crocker, halos 15 milya sa northwest ng Fort Leonard Wood, sinabi ni Pulaski County Sheriff Ron Long. Ang lima ay dumasalo sa officer education sa Maneuver Support Center of Excellence, isang programa na nagdadala ng mga tropa sa ibang bansa sa installation upang mag-aral ng engineering, military policing at chemical defense.
Ang mga biktima ay kinilala noong Miyerkules na sina Maj. Mohammad Hassan Ibrahim, 32, Egypt; Maj. Akram Abu Al-rub, 38, Jordan; Capt. Ahmed Moussouni, 32, Algeria; Capt. Ahmed Abdelghani, 29, Egypt; at Capt. Hasman Hussin, 33, Malaysia.
