KALAMIDAD AT DIGMAAN-Balita

HINDI kumukupas ang ating paninindigan hinggil sa sapilitang pagpapatupad ng Reserve Officers Training Corps (ROTC) sa mga kolehiyo at unibersidad sa buong bansa. Ang ating hangarin ay nakaangkla sa makabuluhang misyon ng naturang mga kadete sa mga gawaing pang-komunidad at sa pagtatanggol sa mamamayan laban sa mga naghahasik ng karahasan. Ang mga nagtapos sa ROTC course ang itinuturing na reserbang puwersa ng Armed Forces of the Philippines (AFP).

Magugunita na ang mandatory ROTC program ay binuwag noong 2001 nang susugan ang batas na lumilikha rito, ang Citizen Armed Forces of the Philippines Reservist Act. Sinusugan ito ng National Service Training Program Act, dahilan upang ang ROTC ay naging optional course na lamang.

Dahil dito, lalong umigting ang mga panawagan upang muling iutos ang implementasyon ng nasabing kurso. Isa ito sa mga rekisitos upang ang male students ay maituring na college graduate sa mga pamantasan. Ito rin ang maliwanag na dahilan upang isulong ng mga mambabatas ang isang panukalang-batas na nag-uutos na muling ipatupad ang mandatory ROTC.

At ito rin ang dahilan kung bakit hinihiling ng mga kongresista, at ng mismong mga mamamayan, kay Presidente Aquino na sertipikahan bilang “urgent” ang naturang bill. Higit na kailangan ngayon ang paglikha ng matatag na military force na may kaakibat na masidhing pagkamakabayan. Lalo na ngayon na ang bansa ay ginigiyagis ng malagim na karahasan na inihahasik ng iba’t ibang grupo ng mga rebelde. Kamakailan lamang, nagbanta ang mga bandidong Bangsamoro Islamic Freedom Fighters (BIFF) na paiigtingin nila ang paglusob sa mga kampo ng militar at ng iba pang grupo ng mga alagad ng batas. Maging ang mga rebeldeng New People’s Army (NPA) ay may kahawig ding panggugulo sa mga komunidad.

Totoong libu-libo na ang mga miyembro ng AFP at ng PNP. Bukod pa rito ang iba pang security agencies na may misyon ding ipagtanggol ang sambayanan laban sa mga bandido, tulad ng itinatagubilin ng Konstitusyon. Subalit kailangan pa rin ang reserbang puwersa ng ROTC para sa katahimikan ng mga komunidad.

Matagal nang napatunayan ng taumbayan ang kahalagahan ng naturang grupo sa pagdamay sa mga biktima ng kalamidad at iba pang civic mission. Angkop din ang kanilang pagsasanay sakaling sumiklab ang digmaan. (CELO LAGMAY)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...