PAL flight sa Abu Dhabi, Doha, kasado na

December 25, 2015

Inihayag ng Embahada ng Pilipinas sa Doha ang paglulunsad ng Philippine Airlines (PAL) ng regular na Manila-Abu Dhabi-Doha flight nito sa Marso 28, 2016 na inaasahang higit na magpapasigla sa industriya ng turismo sa Pilipinas.

Ang nasabing ulat ay personal na natanggap ni Philippine Ambassador to Qatar Wilfredo C. Santos kay V. Sivaramakrishnan (Ram) ng GSA-Space Travel, lokal na partner ng PAL sa Doha.

Nabatid na ang mga PAL flight Manila-Abu Dhabi-Doha (PR 656) ay tuwing Lunes, Martes, Biyernes at Sabado at aalis ang eroplano sa Manila ng 12:30 ng umaga at darating ng 8:15 ng umaga sa Doha.

Habang ang Doha-Abu Dhabi-Manila flight (PR 657) ay tuwing Martes, Miyerkules, Biyernes, Sabado at Linggo, sa ganap na 10:05 ng umaga ang alis sa Doha at darating sa Manila ng susunod na araw, dakong 3:50 ng umaga.

Ang PAL flights na dumarating at umaalis ay mula sa Ninoy Aquino International Airport (NAIA) Terminal 2.

“I am pleased that PAL is finally offering Doha flights which will widen the options of our kababayans going to the Philippines and Qatar. I look forward to partnering with PAL in strengthening our tourism promotion and increasing people-to-people exchanges between the Philippines and Qatar,” sabi ni Santos.

Asahan ang mga opisyal ng PAL na darating sa Qatar sa Marso 2016 upang saksihan ang paglulunsad at pagpapasinaya sa flight. - Bella Gamotea

‘Immortal love?’ Enrile at misis nagdiwang ng 67th wedding anniversary

Binati ni Katrina Ponce Enrile ang kaniyang mga magulang na sina Presidential Legal Counsel Juan Ponce Enrile at dating ambassador Cristina Enrile na nagdiwang ng kanilang 67th wedding anniversary.Sa isang Facebook reel ni Katrina noong Miyerkules, Setyembre 18, 2024, ibinahagi niya ang sweet moments ng kaniyang mga magulang na may nakalagay na “happy anniversary.”FacebookMababasa rin sa...

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...

72 PDL's ng Manila City Jail, naka-enrol sa PUP Open University

Sa makasaysayang pagkakataon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...