Kumpiyansa si WBO super bantamweight top rated at walang talong si Jessie Magdaleno ng United States na maaagaw niya ang titulo sa bagong kampeong si five-division titlist Nonito Donaire Jr., kung kaya’t agad niya itong hinamon sa isang duwelo sa 2016.

Nasa ringside si Magdaleno nang mabawi ni Donaire ang WBO super bantamweight belt sa pagtalo sa puntos kay Mexican Cesar Juarez noong nakaraang Disyembre 11 sa San Juan, Puerto Rico.

“I would love a crack at Donaire next,” sabi ni Magdaleno sa BoxingScene.com na ipinagyabang ang kanyang rekord na perpektong 22 panalo, 16 sa pamamagitan ng knockouts. “I’ve been waiting for a while and now that he has a WBO title, I want it even more.”

'Pikon daw?' UAAP fan na nag-dirty finger, agaw-eksena sa San Juan Arena!

Ngunit, hindi minaliit ni Magdaleno ang kakayahan ni Donaire na naging kampeon sa limang dibisyon at “Fighter of the Year” noong 2012.

“He’s a great fighter, I feel like he did what he did in boxing already and he put on a great show against Juarez but I feel like his time is done,” dagdag ni Magdaleno. “And it’s time for the new generation to make their mark in the history books and in boxing and feel like that fighter who can do that.”

Kinausap na ni Frank Espinoza, manedyer ni Magdaleno si Top Rank big boss Bob Arum para simulan ang negosasyon sa laban nina Donaire at Magdaleno sa 2016.

Kapwa nasa ilalim ng Top Rank ang dalawang boksingero at walang problema kay Donaire kung sino man ang iharap sa kanya ni Arum lalo pa at pumirma siya ng isang taong kontrata na may tatlong laban sa 2016.

Pero mas gustong kalaban ni Donaire ang magwawagi sa kapwa walang talong Briton na sina IBF super bantamweight titlist Carl Crampton at WBA 122 pounds champion Scott Quigg na maghaharap sa Pebrero 27, 2016 sa Manchester Arena sa United Kingdom.

Isa pang malaking problema kay Magdaleno, hindi ito natural na lumalaban sa super bantamweight division kaya overweight ang Amerikano nang labanan at patulugin sa 1st round ang Pilipinong si Vergel Nebran noong nakaraang Oktubre 17 sa Phoenix, Arizona.

“We have to have a clear understanding and a program that (Jessie) is going to be able to make the 122 because his last three or four fights he’s been way over the limit and we can’t tolerate that,” giit ni Arum said. “So I talked briefly with Frank when I was in Tuscon about that question. I’m not going ahead with that fight unless I have complete assurances plus a plan, a nutritionist, that he’s going to make the fight.”

Pero gustong pagharapin ni Arum sina Donaire na nagbabakasyon ngayon sa Pilipinas at Magdaleno dahil kapwa sikat sa Las Vegas ang dalawang boksinegro.

“I like the fight because it’s a fight that resonates in Las Vegas, both of the guys live in Vegas,” dagdag ni Arum, “It’s in the works, right now. We’re seeing how everything is going to turn out with Donaire and his cut. If it’s going to take awhile, which I’m sure it will, then I’m pretty sure I’m going to have a tune-up in February.”