QUEZON, Nueva Ecija - Nabahiran ng dugo ang masayang inuman ng isang grupo ng melon farm workers makaraang masabugan ng pinaputok na improvised PBC boga ang mukha ng isang 16-anyos na lalaki sa Barangay Sta. Rita sa bayang ito, nitong gabi ng Disyembre 10.
Kinilala ng Quezon Police ang nasawing si Christian Agpalo y Esquejo, tubong Bgy. Cajiel, Diffon, Quirino, at kasalukuyang nakatira sa nasabing lugar.
Sa pagsisiyasat ni PO2 Rodelo DC Rivera, dakong 11:30 ng gabi at masayang nakikipag-inuman si Agpalo sa kapwa farm workers na sina Mar Esquejo y Balisa, 18; Jesstonie Esquejo y Balisa, 24; isang 16-anyos na lalaki; at isang babae nang makatuwaan nilang paglaruan ang nasabing improvised PBC firecracker (boga) at paputukin ito.
Aksidenteng nasapol sa mukha ang binatilyo, na agad na nasawi.
Tinatayang 132,000 pamilya, lumikas sa Eastern Visayas dahil sa super typhoon Pepito
Dinala ng pulisya ang magkakasamang nag-inuman at isang Angelo Viernes sa Nueva Ecija Provincial Crime Laboratory Office (NEPCLO) para isailalim sa paraffin test at matukoy kung sino ang nagpaputok ng nasabing boga.
(Light A. Nolasco)
