Drug test, kaysa NBI police clearance, sa lisensiya—transport group

November 28, 2015

Drug testing sa mga driver at hindi clearance ng National Bureau of Investigation (NBI) at Philippine National Police (PNP) ang dapat gawing requirement sa pagkuha ng driver’s license.

Ito ang iginiit ni Alliance of Concerned Transport Organizations (ACTO) National President Efren De Luna, sinabing dapat ipatupad ng Land Transportation Office (LTO) ang drug testing sa lahat ng driver sa bansa sa pagkuha ng lisensiya.

“Paano na ang mga nagbagong buhay? Hindi na ba sila maaaring magmaneho? Ang mas nakakatakot ay ang mga drug addict at hindi ang mga dating may kaso,” pahayag ng leader ng ACTO.

Ayon kay De Luna, maraming oras ang gugugulin at malaking halaga ng salapi ang gagastusin, lalo na ang mga driver na napakalayo ng tirahan sa NBI satellite office.

At kung mamalasin ay may kapangalan pa ang aplikante ng lisensiya na nahaharap sa kaso sa NBI o PNP.

Sa ilalim ng Administrative Order AVT 2015-029 na ipinatupad ng LTO nitong Nobyembre 9, ang mga driver na kukuha ng panibagong lisensiya, student permit at conductor’s permit ay kailangang magsumite ng NBI at police clearance.

Gayunman, ang nasabing kautusan ay sinuspinde ng Department of Transportation and Communications (DoTC) makaraang kuwestiyunin ng Senado sa hinalang magbubunsod ito ng panibagong red tape sa proseso at magiging pabigat sa mga aplikante. (Jun Fabon)

Kabataan Party-list, itutulak pagpapatalsik kay VP Sara

“Clear po ang gusto ng Kabataan, gusto siyang matanggal sa kaniyang posisyon.”Inihayag ni Kabataan Party-list first nominee Renee Co na itutulak at ieendorso nila ang pagpapatalsik kay Vice President Sara Duterte sa posisyon.Sinabi ito ni Co nang usisain ng media matapos ihain ang kanilang certificate of nomination and acceptance (CONA) para sa 2025 midterm elections nitong Sabado, Oktubre 5,...

Leni Robredo, natanong kung tatakbo ba ulit sa 2028 presidential elections

Natanong si dating Vice President at ngayo'y tumatakbong Naga City mayor Leni Robredo kung may balak na siyang kumandidato sa 2028 presidential elections, nang makapanayam ng media sa paghahain niya ng certificate of candidacy (COC) para sa napipisil na posisyon.Paglilinaw ni Robredo, wala raw siyang planong tumakbo sa pagkapangulo sa nabanggit na halalan.Bagama't hinihimok siyang...

'Half-human, half-zombie' 'Rastaman', kakandidato bilang senador; pabor sa e-sabong

Susubukan muli ni 'half-human, half-zombie' na si 'Rastaman,' o Rolando Plaza, na makapasok sa politika matapos niyang maghain ng certificate of candidacy (COC) sa pagka-senador ngayong Sabado, Oktubre 5, sa The Manila Hotel Tent City.Ito rin ang ikalawang pagkakataon na kumandidato siya bilang senador dahil noong 2019 ay naghain din siya ng COC sa parehong posisyon. Sakaling...