SALT LAKE City – Ibinuslo ni Alex Burks ang go ahead basket sa natitirang 1:12 sa foursth period at umiskor ng siyam sa kanyang naitalang 13 puntos sa big fourth quarters ng Utah upang magapi nito ang Toronto, 93-89.
Umiskor naman si Derrick Favors ng 18 puntos at 11 rebounds gayundin ng isang clinching 3-point play para sa Jazz na naiiwan pa ng anim na puntos sa kalagitnaan ng final period bago sila nagsalansan ng 11-2 run na nagbigay sa kanila ng kalamangan.
Nag-ambag din si Rodney Hood ng 16 puntos, 6 rebounds at 4 na assists para sa Jazz habang tumapos namang may 17 puntos at 7 rebounds si Gordon Hayward.
Binalikat ni Luis Scola ang offensive load para sa Toronto sa first half sa kanyang itinalang 18 puntos bago tumapos na may season-high 22 puntos habang nagdagdag si Kyle Lowry ng 20 puntos, 6 at assists at 3 rebounds habang nag-ambag naman si DeMar De Rozan ng 14 puntos, 12 dito ay ginawa niya sa fourth period. (AP)
