HOLIDAY NG MGA YAGIT-Balita

“HAPPY days are here again.” Ito karaniwang sinasabi ng mga tao tuwing nag-aabang sa pinakahihintay nilang araw. At para sa kanila, ang araw na ito ay papalapit na nang papalapit.

Ang sinasabi kong sabik na nag-aabang ng espesyal na araw ay ang street dwellers sa malalapad na lansangan, parikular na sa Roxas Boulevard. Nagsisigayak na sila sapagkat alam nilang papalapit na ang araw na kanilang pinakahihintay. Ang tinutukoy ng kolumnistang ito ay ang muling paghakot sa mga yagit na naninirahan sa gilid ng kalsada, parke, ilalim ng puno at gusali. Hahakutin sila at pagbabakasyunin sa isang tagong resort. Libre ang lahat at may datung pa.

Sa Nobyembre 17 hanggang 20 ay magsisidating na ang mga delegado ng APEC para magpulong dito at talakayin ang tungkol sa ekonomiya ng iba’t ibang bansa. At sa mga nabanggit na araw hanggang sa makauwi na ang mga bisita ay itatago muna ang mga yagit. Maglalantad kasi ito sa tunay na kalagayan ng bansa mula sa tinatawag na “Tuwid na Daan”.

Ginawa na nila ito noong bumisita sa bansa si Pope Francis. Limang araw pinagbakasyon ang mga yagit at street dwellers sa isang resort sa Batangas na libre ang lahat. At iyon ay para itago sila mula sa Papa.

Kung ganoon nga ang layunin ng pagdaraos ng APEC, bakit hindi ipakita sa kanila ang tunay na kalagayan ng mga Pinoy para makaisip ng solusyon kung meron pang solusyon.

Bakit itatago ang katotohanan? Bakit isasara sa trapiko ang ilang kalsada at paiikutin kung saan-saan ang mga sasakyan ng mga Pinoy? Para maging maalwan at hindi makasagabal sa daraanan ng mga delegado?

Bakit hindi iparanas sa mga ito ang matinding trapik na talaga namang isa sa matitinding suliranin ng bansa at baka sakaling makaisip sila ng mabisang paraan para ito’y malutas? Ang lahat ng ginagawa natin ay pagpapapogi kahit talaga naman tayong pangit. Para tayong mga artistang todo make-up at pagpapaganda kapag may shooting ngunit pagkatapos maghilamos ay mukha ring aswang.

BIRONG PINOY

PONYANG: Mare, ibibiyahe na naman pala kayong mga street dweller sa isang resort. Sikat kayo, ha?

POKWANG: Oo nga, Mare ayaw kasi kami ipakita ng gobyerno sa mga delegado ng APEC. Ayaw daw kasi makakita ng mga ito ng mga marurungis at MATATAKAW.

PONYANG: Ay, ano raw ang gustong makita?

POKWANG: Yun daw makikinis, mapoporma, nakasuot ng barong at amrikana at mga MAGNANAKAW. (ROD SALANDANAN)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...