Perhuwisyo na naman ang inabot ng libu-libong pasahero sa muling aberya sa operasyon ng Metro Rail Transit (MRT)-3 sa bahagi ng Makati City, kahapon ng umaga.
Ayon kay MRT General Manager Roman Buenafe, agad nagpatupad ng provisionary service o limitadong biyahe ng tren mula North Avenue Station hangggang Shaw Boulevard Station dahil sa nadiskubreng hairline crack sa riles nito.
Dakong 6:00 ng umaga nang biglang huminto ang isang tren ng MRT sa pagitan ng Ayala at Magallanes stations matapos masagap ang umano’y ga-buhok na bitak sa riles.
Bakas sa mukha ng mga pasahero ang labis na pagkainis sa walang humpay na aberya sa operasyon ng MRT na anila’y araw-araw na nilang kalbaryo.
Sen. Robin, uminit ulo kay Sen. Joel : 'Oh ano?'
Kahit ilang minuto o oras na nagtiis sa mahabang pila sa mga istasyon bunsod ng aberya, napilitan ang mga itong sumakay sa pampasaherong bus.
Bumalik sa normal ang operasyon ng MRT-3 dakong 7:40 ng umaga matapos makumpuni ang bitak ng riles gamit ang fish clamp subalit nilimitahan sa lugar ang bilis ng takbo ng tren sa 15 kilometro bawat oras. (Bella Gamotea)
