3.5M PAMILYA, 'NAGUGUTOM'-Balita

SINABI ng Social Weather Stations (SWS) na 3.5 milyong pamilyang Pilipino ang nakaranas kamakailan ng gutom dahil sa kawalan ng makakain.

Marami pa ring Pinoy ang nagugutom. Kaya pakainin at tulungan natin sila.

***

Sa huling nationwide survey (Setyembre 2-5), iniulat ng SWS na 15.7 porsiyento—o tinatayang 3.5 milyong pamilya—ang nakaranas ng gutom kahit isang beses sa nakalipas na tatlong buwan, mas mataas ng 12.7 porsiyento sa second-quarter survey.

Patuloy sa pagtaas ang bilang na ito. Dapat na sigurong mabahala ang gobyerno at ang pribadong sektor.

***

Ayon sa SWS, ang pagtaas ng hunger rate ay pinakamalaki sa Mindanao sa 21.7 porsiyento at sa Luzon (sa labas ng Metro Manila) sa 14.7 porsiyento, bagamat nanatili lang sa 18.3 porsiyento sa Metro Manila. The figures speak for themselves. Hindi na makapagsalita ang mga kumakalam ang sikmura.

***

Ayon pa sa survey, bumaba ng 9.3 porsiyento ang insidente ng pagkagutom sa Visayas, mula sa dating 11.7 porsiyento.

Paborable, pero mahirap paniwalaan para sa atin.

***

Samantala, binatikos ng mga kongresista ang umano’y kabiguan ng gobyerno na gumastos ng mahigit P1 bilyon na emergency funds mula sa mga lokal at dayuhang donasyon, at isang bahagi ng calamity funds para agad na makatugon sa mga sinalanta ng kalamidad.

Hindi paggamit ng public funds, noted. Nag-ambag ba ito sa problema sa pagkagutom?

***

Nanawagan si Negros Occidental Rep. Alfredo “Albee” Benitez ng agarang congressional inquiry sa napaulat na “calamity underspending”, gaya ng ibinunyag ng Commission on Audit (COA), sinabing nangangailangan ito ng “a full-blown investigation.”

***

Sa 2014 annual audit report na inilabas kamakailan ng COA para sa Office of Civil Defense (OCD), sinabi ng komisyon na nasa P1 bilyon ang natipid ng ahensiya sa kabila ng matinding pinsala.

Double jeopardy o “double calamity”?

Dagdag ng COA, hindi nagamit ang pondo kaya napagdamutan ng mga kinakailangang benepisyo at tulong ang mga labis na nangangailangan nito.

Masaklap ang aral na natutuhan. Assistance delayed is assistance denied. Tsk, tsk! (FRED M. LOBO)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...