Nagpatupad ng big-time price increase sa liquefied petroleum gas (LPG), sa pangunguna ng Petron, kahapon ng umaga.
Sa pahayag ng Petron, epektibo dakong 6:00 ng umaga ng Nobyembre 2 ay nagtaas ito ng P2.95 sa kada kilo ng Gasul at Fiesta Gas, katumbas ng P32.45 na dagdag sa bawat 11-kilogram na tangke nito.
Bukod dito, may dagdag-presyo rin na P1.65 sa bawat litro ng ibinebentang Xtend Auto-LPG, na karaniwang ginagamit sa taxi.
Asahan naman ang pagsunod ng iba pang kumpanya sa parehong dagdag-presyo sa LPG at Auto-LPG, kahit hindi pa naglalabas ng abiso ang mga ito.
Ang bagong price hike ay bunsod ng pagtaas ng presyuhan ng LPG sa pandaigdigang pamilihan.
Giit ni Matibag: NBI ang inaatake, hindi Senado!
Nitong Oktubre1 nagtaas ang Petron ng P1.65 sa presyo ng LPG at 95 sentimos naman sa auto-LPG. (Bella Gamotea)
