Osmeña, Lacson, itsa-puwera na sa LP senatorial slate

Osmeña, Lacson, itsa-puwera na sa LP senatorial slate—source

Ni CHARISSA M. LUCI

Isinara na ng Liberal Party (LP) ang pintuan nito sa re-electionist na si Senator Serge Osmeña at kay dating Senator Panfilo “Ping” Lacson, habang tumanggi naman ang actress-TV host at kapatid ni Pangulong Aquino na si Kris Aquino na mapabilang sa mga senatoriable ng administrasyon si Manila City Vice Mayor Isko Moreno.

Sinabi kahapon ng isang mapagkakatiwalaang source na imposible nang makapasok sa senatorial slate ng LP si Osmeña, na campaign manager ng Pangulo nang kumandidato noong 2010, at si Lacson, na naging rehabilitation czar sa mga lalawigang sinalanta ng bagyong ‘Yolanda’ noong 2013, dahil sa matitindi nilang pagbatikos sa gobyerno. Tumanggi rin si Kris Aquino na mapasama si Moreno sa mga pambatong senador ng administrasyon.

“From what I understand, Serge and Ping are not welcome to the Liberal Party for obvious reason. In the case of Moreno, no less than Kris has expressed reservation against his entry for hitting the government and she will talk to the President (Benigno S. Aquino III) about it,” sinabi ng isang kongresista na tumangging pangalanan.

Matatandaang tinawag ni Osmeña si Pangulong Aquino na matigas ang ulo, habang pinuna naman ni Lacson ang aniya’y napakabagal na rehabilitasyon ng gobyerno sa mga lugar na sinalanta ng Yolanda.

Sinabi ni Quezon City Rep. Winston Castelo, opisyal ng LP, na kabilang sa mga tiyak nang kandidatong senador ng partido ay sina Senate President Franklin Drilon, Senators Ralph Recto at Teofisto Guingona III, dating Senator Francis Pangilinan, Justice Secretary Leila de Lima, Technical Education and Skills Development Authority (TESDA) Director General Joel Villanueva, Metropolitan Manila Development Authority Chairman Francis Tolentino at dating Energy Secretary Jericho Petilla.

Sinabi pa ng source na “the ninth slot is reserved” para sa world boxing champion na si Sarangani Rep. Manny Pacquiao.

Samantala, sinabi rin ng source na mismong ang standard bearer ng partido na si dating Interior and Local Government Secretary Mar Roxas ang napipisil na makatambal si Senator Alan Peter Cayetano, ngunit si Pangulong Aquino ang may gustong maging running mate ni Roxas si Camarines Sur Rep. Leni Robredo.

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...