VATICAN CITY — Binuksan ni Pope Francis ang Holy Week services sa Palm Sunday Mass sa St. Peter’s Square, binigyang diin ang humility at pag-alala sa mga namatay sa Germanwings crash.
Sa pagtatapos ng Misa sa labas ng St. Peter’s Basilica para sa may 70,000 deboto, ipinagdasal ni Francis ang mga namatay sa crash noong Marso 24 sa French Alps, lalo na ang mga batang estudyanteng German na sakay ng eroplano. Namatay sa trahedya ang 150 katao, kabilang na ang co-pilot na ayon sa mga imbestigador ay sinadyang ibangga ang eroplano sa kabundukan.
