BJMP officials, kinasuhan ng plunder ng jail inspector

May 11, 2015

Kinasuhan ng plunder ng isang jail inspector ng Bureau of Jail Management and Penology (BJMP) ang kanyang mga superior dahil sa umano’y maanomalyang paggamit ng pondo ng ahensiya na umaabot sa P50 milyon.

Sa apat na pahinang reklamo ni Angelina Lumba Bautista, jail inspector ng Valenzuela City Jail at taga-Barangay Muzon, Apalit, Pampanga, sinabi niyang bagamat nalalagay sa alanganin ang kanyang buhay sa pagdedemanda sa kanyang mga superior sa BJMP, naniniwala siya na dapat na aniyang matigil ang anomalya ng mga ito at panlalamang sa gobyerno.

Kinasuhan ni Bautista ng plunder sina BJMP Director Diony Dacanay Mamaril; Chief Supt. Alfredo Daupan Soliba, chief directorate for comptrollership; Chief Budget Officer Mila Comia; Jail Supt. Arnulfo Obias, dating director ng BJMP-Region 3; at mga itinalagang BJMP Region 3 director mula Agosto 2010 hanggang Agosto 2013.

Kabilang din sa kinasuhan ng plunder sina Jail Insp. Jaime Bumactao, disbursing officer ng BJMP Region 3 mula Agosto 2010 hanggang Agosto 2013; Jail Insp. Lorna Capili, budget officer ng BJMP-Region 3; lahat ng designated budget officer ng BJMP Region 3 mula Agosto 2010 hanggang Agosto 2013; at Jail Insp. Gilbert Marpuri Jr., accountant ng BJMP Region 3 at mga designated account officer ng BJMP Region 3 mula Agosto 2010 hanggang Agosto 2013.

Sa reklamo ni Bautista, sinabi niyang nagawa umanong limasin ng nabanggit ng mga opisyal ang P50 milyon nang pumasok sa kasunduan ang BJMP sa mga lokal na pamahalaan para sa paglilipat sa ahensiya ng pangangasiwa sa mga kulungan mula sa mga lokal na pamahalaan.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...