Magbubukas ang Department of Education (DepEd) ng aabot sa 80 posisyon para sa mga guro bilang pagtugon sa kakulangan nito kaugnay ng implementasyon ng K to 12 program o Enhanced Basic Education Program ng kagawaran.
Ayon kay Education Assistant Secretary Tonisito Umali, ito ang susi sa problemang kakaharapin ng mga propesor sa pagsisimula ng programa.
“Ito ay para ma-accomodate sila (professors),” pahayag ni Umali kasabay ng paglilinaw na bukod pa ito sa naunang mahigit 60 posisyon na binuksan ng DepEd.
