Para kay WBA regular welter-weight champion Keith Thurman, mahihirapan ang kababayan niyang si Floyd Mayweather Jr. na talunin si Pambansang Kamao Manny Pacquiao dahil hindi ito makakapag-adjust sa sandali ng laban.
Sa panayam ni Edward Chaykovsky ng BoxingScene.com, mananalo lamang si Pacquiao kung laging susugurin at magpapakawala ng malalakas ng suntok kay Mayweather.
Kabilang si Thurman sa nag-aambisyong makasagupa ang sino man kina Mayweather at Pacquiao na maghaharap sa Mayo 2 sa $200 milyong welterweight megabout.
Empleyadong lasing, patay matapos sapakin ng ginising na katrabaho
Ayon kay Thurman, bagamat master counter-puncher si Mayweather na tulad ni Marquez, may 36 rounds na karanasan ang Mexican sa unang tatlong laban kay Pacquiao bago niya natalo ang Pilipino via 6th round knockout noong Disyembre 8, 2012 sa Las Vegas, Nevada.
“[Marquez] did have time to adapt, he knew exactly what he was getting in the ring with - where Floyd is vulnerable. If you watch any of his fights, he is vulnerable in the first three rounds, very vulnerable,” sinabi ni Thurman. “But he figures people out very quickly. Is he going to be able to do the same thing with Manny or is Manny going to make it a difficult night and its going to take him longer to adjust, and even if he does adjust will it be enough to take the rounds?”
Ani Thurman, kung magiging agresibo sa laban si Pacquiao ay may paglalagyan si Mayweather.
“I think if Manny really wants to win, it’s high workrate and volume....volume, volume, volume. Take the counter, take it. He’s not Marquez. He is not going to knock you out. Floyd has not had a knockout in a very long time,” diin ni Thurman sabay paliwanag na may problema ang kababayan sa mga kamay nito.
“I know he’s gone through several different hand problems throughout his career,” dagdag ni Thurman. “He’s older and I think he likes to preserve his hands to the best of his ability and he throws what I call ‘scoring blows’ - one that is hard enough to snap the head back and let the judges see [that], but not hard enough where you can’t walk through [it] and continue to fight.”
