Sa kanilang ipinamalas na katapangan, pararangalan ng Philippine National Police (PNP) ang pitong pulis na nasugatan makaraang pasabugan ng landmine at tambangan ng mga rebeldeng New People’s Army (NPA) sa Barangay Palacapao, Quezon, Bukidnon.
Ipinakita ng mga biktima ang katapangan at katatagan sa pakikipaglaban sa kabila ng kanilang tinamong tama ng bala at agrabiyadong posisyon sa lugar na pinangyarihan ng engkuwetro.
Sinabi ni Regional Police Office -10 Director Chief Supt. Agrimero Cruz Jr. igagawad ang karangalan ng Medalya ng Sugatang Magiting sina PO1 Junel Macabinlar, PO1 Quilombi Alumpines, PO1 Lou Tagalurang, PO1 Gerald Bob Colita, PO1 Ryaian Nera, PO1 Roy Pepito at PO1 Hermie Alabe ng Regional Public Safety Batallion na nagpaatras sa may 50 NPA.
Ayon pa kay Cruz, nakatakdang sampahan ng kasong attempted murder ang mga rebelde at pagsunog sa pitong cargo truck makaraang harangin sa BarangayPalacapao.
