Problema na rin ng bansa ang pagkabulok ng ngipin at batay sa lumabas sa ulat ay siyam sa bawat sampung Pilipino ang may mga bulok na ngipin.
Ayon kay Senate President Pro Tempore Ralph Recto, hindi na sapat ang P90-bilyon budget allocation para sa oral care sa bansa.
Aniya, kailangan ng Pilipinas ang karagdagang public dentist, partikular sa mga pampublikong paaralan, dahil sa ngayon ay mayroon lang 300 dentista para sa 21.5 milyong estudyante sa mga pampublikong eskuwelahan o isang dentista sa bawat 70,000 estudyante at guro.
