BACOOR, Cavite – Dalawa sa anim na pinaniniwalaang miyembro ng Termite Gang ang napatay ng nagpapatrulyang mga pulis sa engkuwentro noong Linggo ng gabi sa Barangay Habay II sa siyudad na ito.
Agad na nasawi ang dalawang hindi pa nakikilalang suspek sa engkuwentrong sumiklab dakong 11:35 ng gabi, habang nakatakas naman ang apat na kasama nila.
Nakumpiska mula sa dalawang napatay ang isang .45 caliber pistol at isang .38 caliber revolver.
Ang Termite Gang ay isang grupo ng mga magnanakaw na humuhukay ng tunnel sa ilalim ng mga establisimyento na kanilang lolooban, gaya ng mga sanglaan at bangko. (Anthony Giron)
National
