World record sa pinakamahabang boodle fight, binura ng Laoag

June 10, 2015

LAOAG CITY, Ilocos Norte – Binura ng mga opisyal at residente sa lungsod na ito ang world record para sa pinakamahabang “boodle fight” sa mundo.

Pinangunahan ni Ilocos Norte Gov. Imee Marcos, kasama sina Laoag City Mayor Chevylle Fariñas at Vice Mayor Michael Fariñas, ang mahigit 30,000 katao sa sabay-sabay na boodle fight na may kabuuang haba na 4.858 kilometro.

Inabot ng 30 minuto bago naubos ng mga lokal na opisyal at mga participant ang mga pagkaing inilatag sa ibabaw ng dahon ng saging.

Kabilang sa mga pinagsalu-saluhan ang Igado, Pinakbet at puting kanin na gawa sa may kabuuang 2,607 kilo ng hilaw na karne, 2,607 kilo ng iba’t ibang gulay at 40 kaban ng bigas.

Humilera ang mga tao sa magkabilang gilid ng mesa at masayang kumain matapos ang pormal na deklarasyong simulan na ang boodle fight dakong 5:45 ng hapon. Nilinis ang mga pagkain dakong 6:15 ng gabi.

Tinalo ng 4.858-kilometrong boodle fight ng Laoag City ang Guinness World Record na itinala ng mga taga-Labo, Camarines Norte noong Setyembre 1, 2014, nang magsalu-salo ang mga ito sa 2.65-kilometrong boodle fight.

Inihahanda na ng mga miyembro ng technical working group sa paglulunsad ng boodle fight ng Laoag ang mga kinakailangang dokumentasyon na isusumite sa Guinness Book of World Records. - Freddie G. Lazaro

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...