PENITENSIYA, HINDI PANTURISMO-Balita

PENITENSIYA, HINDI PANTURISMO

Hindi dapat gamitin sa turismo ang panata ng pagpepenitensya ngayong panahon ng Kuwaresma – ito ang paalala ni Manila Auxiliary Bishop Broderick Pabillo, chairman ng Catholic Bishops Conference of the Philippines-Episcopal Commission on Public Affairs kaugnay na rin sa ilang pagpapakasakit tulad na rin ng pagpapako sa krus.

Ayon sa obispo, bagamat hindi ipinagbabawal ng Simbahan ang pagpepenitensya ay hindi naman hinihikayat ang mga indibiduwal na pahirapan ang sarili tulad ng paghahampas sa katawan at pagpapako sa krus. “Ang tunay na mensahe ng Kuwaresma ay ang pagsisisi mula sa kasalanan, pagbabago ng masamang ugali, at pagkakawanggawa. Ating nirerespeto ang pagpapanata kung ito ay may kaakibat na pagbabagong buhay hindi lamang sa loob ng isang araw kundi pangmatagalang pagbabago,” paalala ni Bishop Broderick sa ating lahat. Kung nais nating tularan si Kristo hindi ito natatapos sa pagpapasakit sa katawan at hindi dapat turismo ang dahilan kundi ang pagbabagong buhay at pagbabalik-loob sa Panginoon.

***

Nanawagan ang Simbahan sa mga mananampalataya na makiisa sa Alay-Kapwa na inilunsad ni Caceres Archbishop Rolando Tria Tirona – Chairman ng Caritas Philippines sa Luzon, Visayas at Mindanao. Sinabi ni Archbishop Tirona na ang programang “Alay Kapwa” ay pakikiisa sa pagpapasakit ng Panginoon upang matubos sa kasalanan ang sangkatauhan. Ngayong kuwaresma at Year of the Poor ay tinatawagan tayong muling mag-ambag, makiisa sa mga dukha sa ating bansa sa pamamagitan ng ating pakikidalamhati. Ginugunita ngayong taon ang Year of the Poor bilang paghahanda sa ika-500 taon ng Katolisismo sa Pilipinas sa 2021, kaya patuloy ang paghikayat ng Simbahan na mag-ambag, makiisa at tumulong sa mga dukha at mga tunay na nangangailangan sa ating bansa. Nilinaw ni Bishop Pabillo na sa panahon ng kuwaresma ay kailangang maging aktibo ang mananampalataya sa mga programa ng Simbahan upang magkaroon ng tunay na pagbabago ang kabuuan ng Santa Iglesia at magkaroon ng matibay at tapat na pananamplataya. Ang Kuwaresma sa Simbahang Katoliko ay 40-araw na paghahanda para sa Linggo ng Pagkabuhay ng ating Panginoong Jesus na nagsisimula tuwing Ash Wednesday.

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...