VEGGIE FUNGUS. Delfin Rufino,officer in charge of the Municipal Agriculture Office, show the roots of the cabbage affected by the club root disease that slowly widespread many vegetable farms in Buguias, Benguet. Zaldy Comanda

BUGUIAS, Benguet – Hindi ikinababahala ng mga magsasaka ang frost bite o andap kapag bumababa ang temperatura sa probinsiya at sa halip ay nangangamba sila sa unti-unting pagdami ng apektado ng club root disease na sumisira sa ilang gulay at hanggang ngayon ay wala pang nadidiskubreng pangpuksa rito.

Ang club root ay impeksiyon sa ugat ng isang tanim na unti-unting nabubulok hanggang sa maging retarded ang paglaki ng tanim.

Sa panayam kay Officer in Charge Delfin Rufino, ng Municipal Agriculturist Office, taong 1980 nang madiskubre ang fungus na ito at naging talamak noong 1990s pero hanggang ngayon ay hindi pa batid kung paano ito mapupuksa.

National

De Lima sa paghatol kina Castro: 'This should never happen in a democratic society'

Aniya, binibiktima ng fungus ang mga repolyo, broccoli, cauliflower, Brussels sprouts, labanos, singkamas, stocks, wallflowers at iba pa.