INI-RELEASE na ng singer, VJ, actress na si Nikki Bacolod ang kanyang latest single titled Sa Iyo na regular nang naririnig sa local radio stations at fast becoming na most requested song.
Ang Sa Iyo ay collaboration ni Nikki at ng Malaysian pop and RnB singer na si Min Yasmin. Ito ang first single mula sa album na 2Voices at Tagalog version ng Malaysian song na Hilangkanlah, na theme song ng Malaysian hit teleserye na Derhaka Seorang Madu (TV3).
Si Nikki Bacolod ay dating 2nd runner-up ng search For The Star Million at si Min Yasmin ay singer at actress mula sa Malaysia at kilala ring film, television at drama soundtrack singer.
Ang Sa Iyo ay likha ni Julfekar, HA & Roosevelt T.Itum at produced ni Julfekar, isang sikat na composer at producer sa Malaysia at managing director ng MillenniumArt Sdn. Bhd. and JULFEKAR Music sa Malaysia.
