Pagpapalaya sa 3 pulis na bihag ng NPA, kinansela

May 27, 2015

Kinansela ng National Democratic Front sa Mindanao Region (NDF-NEMR) ang pagpapalaya ngayong Sabado sa tatlong operatiba ng Philippine National Police (PNP) na dinukot ng mga rebelde sa magkahiwalay na engkuwentro noong Nobyembre 2014.

Sa isang pahayag, sinabi ng NDF-NEMR na kinansela ang pagpapalaya sa tatlong pulis bunsod ng pagtanggi ng Armed Forces of the Philippines (AFP) na pansamantalang paalisin ang mga sundalo sa lugar na dapat palalayain ang kanilang bihag.

Ayon sa mga rebelde, ang temporary withdrawal ng mga sundalo ay magbibigay-daan sa ligtas at maayos na pagpapalaya sa mga pulis at maiiwasan ang engkuwentro ng militar at NPA.

“Sa kabila ng negosasyon, tinanggihan pa rin ni Brig. Gen. Jonathan Ponce—pinuno ng 402nd Infantry Brigade, ang aming kahilingan. Ito ay maglalagay sa peligro hindi lamang sa buhay ng 3 POW (prisoners of war) subalit maging sa kanilang pamilya na nais dumalo ng seremonya sa pagpapalaya,” saad sa pahayag ng NDF-NEMR.

Ang negosasyon sa pagpapalaya kina PO1 Jori Amper, PO3 Democrito Polvorosa at PO1 Marichel Contemplo ay pinangunahan ng mga kinatawan ng Department of Interior and Local Government (DILG), local peace and order council at mga grupong relihiyoso sa lugar. - Alexander D. Lopez

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...