Sinuspinde kahapon ni Metropolitan Manila Development Authority (MMDA) Chairman Francis Tolentino ang isang traffic constable na nakuhanan ng video sa umano’y nangongotong sa motorista malapit sa isang mall sa EDSA-Shaw na naging viral naman sa social networking site na Facebook.
Ayon kay Tolentino nagsasagawa ngayon ng imbestigasyon ang MMDA-Traffic Discipline Office para sa nasabing insidente.
Sinabi ni Tolentino hindi nito kukunsintihin ang mga maling aktibidad na kinasasangkutan ng mga kawani o tauhan ng MMDA.
Hinikayat naman ng MMDA chief ang motorista at publiko na gumamit ng video camera ng kanilang cellphone bilang instrumento sa pagdokumento o pagdetalye ng insidente o aksidente gayundin sa mga ilegal na aktibidad ng traffic enforcer na maaktuhan sa mga lansangan.
50.78% examinees, pasado sa Nov. 2024 Licensure Exam for Agriculturists
Nakita ang video sa Facebook page ng Top Gear Philippines na isang Jay Ramirez ang siyang kumuha ng naturang video malapit sa mall sa EDSA-Shaw at inireklamo rin umano nito sa website ng MMDA subalit hindi ito natugunan.
Binanggit ni Ramirez na ang traffic constable ay sinasabing paupu-upo lamang at tatayo lang kung kokolekta ito ng P20 sa kada bus sa lugar.
