PINALAYAS ni Queen Elizabeth ang kanyang paboritong chef nang makaaway nito ang isang miyembro ng staff sa Buckingham Palace, iniulat ng Daily Mail.
Pinalo diumano ni Adam Steele, 28, sa ulo ang karibal nitong chef sa staff quarters, na nasaksihan ng mga housemaid, footmen, at iba pang tagasilbi. Inaresto siya at pinatulog ng isang gabi sa kulungan.
“No one knows what exactly was said to Adam, but it was something like, ‘You’ve had enough, it’s time to stop drinking’,” sabi ng isang insider sa Daily Mail noong Biyernes. “Whatever it was, the next thing the other man has blood over his face and a cut eyebrow. It’s ironic because they work together and we all thought they were friends.”
Sinikap ni Mark Flanagan, namamahala sa royal kitchens, na sagipin si Steele sa pagkakasibak, ngunit nabigo ito. Dagdag ng insider: “Mark wanted to keep him because the tragedy is Adam is a very good chef, and popular with the royals.”
