IMUS, Cavite – Namatay kahapon ng umaga ang isang palaboy matapos siyang aksidenteng mabundol ng tricycle sa Aguinaldo Highway sa Barangay Malagasang II-E sa siyudad na ito.
Ayon kay Supt. Redrico A. Maranan, hepe ng Imus City Police, tumatawid sa madilim na bahagi ng highway ang hindi pa nakikilalang biktima nang masalpok ito ng tricycle dakong 5:40 ng umaga kahapon, at agad na namatay.
Arestado naman ang driver ng tricycle (QW-9413) na si Bryan Nel Fuentes Delfin, 25, ng Bgy. Anabu II-F, Imus.
Sinabi ni Maranan, batay sa report ni PO3 Alan B. Reyes, na madalas na makitang palabuy-laboy sa kalsada ang 55-66 anyos na biktima. (Anthony Giron)
National
