Wushu, idinagdag sa ASG-Balita

Wushu, idinagdag sa ASG

Idinagdag ng host Pilipinas ang wushu sa mga piling disiplinang paglalabanan sa taunang ASEAN Schools Games (ASG) sa Nobyembre 29 hanggang Disyembre 7.

Ito ang inihayag ni Department of Education (DepEd) Assistant Secretary Tonisito Umali sa paglulunsad ng ikaanim na edisyon ng ASEAN Schools Games sa Club Filipino kung saan ay iprinisinta rin ng organizers ang mascot, logo at ang theme song ng torneo.

“The ASEAN Schools Games (ASG) is an annual sporting event which aims to enhance friendship among students around the region. It also seeks to promote ASEAN solidarity among the youth through school sports and provide opportunities for school athletes to engage in cultural exchange,” sinabi ni Umali.

Kabuuang 1,593 kabataan ang nagkumpirma ng kanilang paglahok sa torneo sa pangunguna ng Indonesia (254), Thailand (266), Singapore (259), Malaysia (267), Brunei (157), nagtatanggol na kampeong Vietnam (118) at ang host Pilipinas na may pinakamaraming lahok na 272 atleta.

Ipiprisinta naman ng mga tinanghal na record breaker at pinakamahuhusay na batang atleta sa nakalipas na Palarong Pambansa sa Laguna ang kampanya ng Pilipinas.

Matatandaan na huling lumahok ang Pilipinas sa ginanap na 5th ASEAN Schools Games sa Hanoi, Vietnam kung saan nakapag-uwi ang delegasyon ng 3 tansong medalya sa boys’ volleyball, girls’ basketball at boys’ javelin throw sa katauhan ni Bryan Jay Pacheco.

Nagawang burahin ni Pacheco ang Palarong Pambansa record at maging ang personal best nito sa event. Una nang binura ni Pacheco ang Palarong Pambansa record sa shot put.

Ilan sa paglalabanang sports ay ang track and field, swimming, basketball, badminton, gymnastics, table tennis (ping pong), at volleyball. Kabilang din ang sepak takraw (kick volleyball) at pencak silat (martial arts).

Gaganapin naman ang ilang mga laro sa Marikina City Sports Complex, ang athletics sa PhilSports Arena habang ang gymnastics ay sa Rizal Memorial Gymnastics Center.

Napasakamay ng Vietnam ang overall title sa tinipong 50-27-23.

Sa kabuuan ay mayroon pa lamang na 1 ginto, 4 pilak at 9 tansong medalya ang Pilipinas sa torneo.

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...