FREETOWN, Sierra Leone (AP) — Sinabi ni Sierra Leone President Ernest Bai Koroma na nasa digmaan sa Ebola ang bansa at hindi sapat ang mga karagdagang treatment center para matalo ang sakit: Kailangang baguhin ng mga tao ang kanilang pag-uugali.
Ipinakita ng mga bilang ng gobyerno ang patuloy na pagtaas sa kumpirmadong kaso sa kabisera, at sa mga palibot na lugar at katabing distrito. Noong Martes, 26 na bagong kumpirmadong kaso ang iniulat sa mga distrito sa kanluran ng bansa, na kinabibilangan ng Freetown.
