DAVAO CITY – Isang magnitude 5.0 na lindol ang naramdaman sa bayan ng Talacogon sa Agusan del Sur dakong 6:52 ng gabi noong Sabado, ayon sa Philippine
Institute of Volcanology and Seismology (Phivolcs).
Ang epicenter ng lindol ay natukoy 10 kilometro timog-silangan ng Talacogon, may lalim na 26 kilometro at tectonic.
National
Romina, patuloy na kumikilos pahilaga; hindi na nakaaapekto sa Kalayaan Islands
Intensity 5 ang naramdaman sa Talacogon, intensity 4 sa La Paz, intensity 3 sa Bayugan City at San Francisco, at intensity 2 sa Butuan City.
Inaasahan ng Phivolcs ang aftershocks habang patuloy na nag-iinspeksiyon ang awtoridad para alamin kung may napinsala sa pagyanig.
Samantala, isa pang magnitude 4.8 ang yumanig naman sa baybayin ng Tarragona sa Davao Oriental dakong 12:36 ng umaga kahapon.
Nasa 166 kilometro ng silangan ng Tarragona ang epicenter ng lindol na tectonic at may lalim na 23 kilometro. Alexander D. Lopez
