Marlisa Punzalan, labis ang pasasalamat sa supporters

By Balita Online

June 15, 2015

In BALITA

Ni ELLAINE DOROTHY S. CAL

IDINEKLARANG kampeon sa The X-Factor Australia ang 15-anyos na Filipino-Australian na si Marlisa Punzalan.

Umaapaw ang mga papuri para kay Marlisa matapos siyang tanghaling grand winner kaya naman labis ang pasasalamat niya sa lahat ng sumuporta sa kanya hanggang sa huli.

“What an amazing GRAND FINALE!!!! THANK YOU SO MUCH for everything!!! Loved every bit of my incredible journey and you are all with me in this,” sabi ni Marlisa sa kanyang Instagram account pagkatapos niyang manalo.

Tumanggap ng standing ovation si Marlisa nang kantahin niya ang Yesterday ng The Beatles na isa sa tatlong inawit niya sa grand finale. Pinahanga rin niya ang lahat sa bersiyon niya ng Stand By You at Never Be The Same.

Ilang oras bago ang grand finals ay hindi maitago ang excitement ni Marlisa, base sa mga pahayag niya sa Instagram, at hinimok niya ang mga manonood na patuloy siyang suportahan.

“XF Grand Finals tonight at 8 pm Channel 7!!! We have lots of exciting performances just for you!!! Please don’t forget to vote it means the whole world to me!!! Thank you for being with me in this incredibly exciting journey!!!” ani Marlisa.

Nakatunggali ni Marlisa ang sibling trio na Brothers3 at ang 22-anyos na travelling musician na si Dean Ray.

Sinabi naman ng judge at mentor ni Marlisa na si Ronan Keating na deserving ng standing ovation ang Pinay singer.

“You picked the great time to get a standing ovation. You have been such an incredible person through this whole journey. As a mentor, I could not have asked for a better contestant,” saad ng dating miyembro ng Boyzone.

Si Marlisa ang pinakabatang nanalo sa X-Factor, at mayroon na siyang garantisadong recording contract mula sa Sony Music Australia.

Ayon sa personal niyang website na Ang Kalatas Australia, kapwa Pinoy ang mga magulang ni Marlisa, na isinilang sa Sydney, Australia noong Oktubre 1999. Dalawang taon pa lang ay kumakanta na siya, at siyam na taong gulang nang unang manalo sa singing competition. Labindalawang taong gulang naman siya nang magkaroon ng una niyang solo concert.

Sinabi ni Marlisa na pitong taong gulang pa lang siya ay nais na niyang sumali sa X-Factor upang matupad ang pangarap niyang maging singer, ngunit aminado siyang mahiyain siya.

Napaulat na plano rin ni Marlisa na umuwi sa Pilipinas at bisitahin ang mga kababayan ng kanyang magulang sa Bataan.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...