Kapwa tumimbang sina WBA featherweight title holder Nonito Donaire Jr. at Nicholas Walters ng 125.6 pounds sa ginanap na weigh-in kahapon para sa 12-round bout ngayon sa StubHub Center in Carson, California.
Si Donaire (33-2, 21 knockouts) ng San Leandro, California ngunit mula sa Talibon, Bohol, Philippines, ay galing sa dalawang magkasunod na panalo matapos ang pagkatalo sa desisyon kay Guillermo Rigondeaux.
Nagmula naman si Walters (24-0, 20 KOs) ng Montego Bay, Jamaica sa kanyang pinaka-impresibong performance, ang fifth round knockout sa dating kalaban ni Donaire na si Vic Darchinyan.
Si Donaire, 31-anyos, ay nagwagi ng mga titulo sa limang dibisyon habang target naman ni Walters, 28-anyos, na mapagtagumpayan ang kanyang unang kikilalaning kampeonato.
