Magtutungo si Pangulong Aquino ngayong Huwebes sa Bali, Indonesia upang dumalo sa pagpupulong ng iba’t ibang lider ng bansa sa pagtataguyod ng demokrasya sa Asia-Pacific region.
Dadaluhan ng Pangulo ang ikapitong Bali Demoracy Forum bukas na may temang: “Regional Development in the Democratic Architecture: Dynamics of Political Development, Social-Economic Progress and Public Participation in the Democratic Process.”
Tatayong chairman sa democracy forum si PNoy at Indonesian President Susilo Bambang Yudhoyono. Kabilang sa mga dadalo sa okasyon ay sina Timor Leste Prime Minister Xanana Gusmao at Sultan Hassanal Bolkiah ng Brunei.
Sinimulan ni Yudhoyono noong 2008, layunin ng pagpupulong ang pagpapalitan ng kuro-kuro at karanasan sa pagtataguyod ng demokrasyo sa Asia-Pacific region.
