Pinalawig ng Department of Health (DOH) ng ilang araw ang kanilang anti-measles campaign upang mas marami pang bata ang mabakunahan laban sa sakit na tigdas at polio.
Ayon kay Health Assistant Secretary Dr. Eric Tayag, director ng DOH-National Epidemiology Center (NEC), ini-extend nila ang kanilang Ligtas-Tigdas campaign hanggang sa Biyernes, Oktubre 3.
“It is official: #ligtassatigdas extended until friday Oct3 @dohgovph,” tweet pa ni Tayag, gamit ang kanyang Twitter account na @erictayag.
Ang naturang mass immunization campaign ay dapat na tatagal lamang ng isang buwan o mula Setyembre 1 hanggang 30.
Layunin nitong maprotektahan ang mga batas laban sa sakit na tigdas at polio at hindi na maulit pa ang naganap na measles outbreak kamakailan.
