Kinumpirma ng Department of Health (DoH) na may 585 bagong kaso ng HIV-AIDS infection sa bansa na naitala noong Hulyo 2014.
Ayon sa DoH-National Epidemiology Center (NEC), ito’y mas mataas ng 30% kumpara sa 449 kaso na naitala sa kaparehong panahon noong 2013 at pinakamataas na kaso na naiulat sa loob lamang ng isang buwan.
Karamihan sa mga kaso o 96% ay mga lalaki at 55% ay mula sa age group na 20-29 lamang.
Nahawa ng sakit ang mga pasyente sa pamamagitan ng sexual contact (551), na 82 porsiyento sa kanila ay mga lalaking nakikipagtalik sa kapwa lalaki o males having sex with males at needle sharing sa mga injecting drug users (34).
Ayon sa DoH, 84 porsiyento ng mga bagong kaso ng HIV-AIDS ay nagmula sa National Capital Region, Region 4A, Region 7, Region 3 at Region 11.
#WalangPasok: Class suspensions para sa Huwebes, Agosto 6
Sa kabuuan, umaabot na sa 3,399 ang mga kaso ng sakit na naitala sa bansa mula Enero, 2014 hanggang Hulyo 2014, at 19,915 kabuuang kaso na naitala simula 1984 hanggang sa kasalukuyan.
