Inirekomenda ng Kamara ang pagbabawal sa pagtatalaga ng mga dating opisyal ng military bilang defense secretary hanggang ang itatalaga ay nakaranas ng hindi bababa sa tatlong taon bilang isang sibiliyan matapos siyang magretiro sa serbisyo.

Pinamumunuan ni Muntinlupa City, inirekomenda ng House Committee on National Defense ang pagpasa ng House Bill No. 2 na mag-aamiyenda sa Section 45 ng Chapter 10, Book IV ng Executive Order 292, na kilala rin bilang Administrative Code of 1987.

Nakasaad sa Administrative Code of 1987 ang mga kuwalipikasyon at limitasyon ng lahat ng department secretary, bukod pa sa nakasaad sa kanikanilang charter.

Bukod kay Biazon, kabilang sa mga principal author ng House Bill No. 2 ay sina Congressman Ferdinand Hernandez (LP, South Cotabato) at Joaquin Chipeco Jr. (NP, Laguna).

57 kilos ng shabu na isinilid sa Chinese tea bags, nakumpiska sa pantalan sa Southern Leyte

Nakasaad sa panukala ang pagbabawal sa isang commissioned officer ng Armed Forces of the Philippines na maitalaga bilang secretary ng Department of National Defense (DND) sa loob ng tatlong taon matapos itong masibak, mawalay o maretiro mula sa serbisyo.

Sinabi ni Biazon, isang dating AFP chief of staff, na layunin ng panukala na mabigyang halaga ang prinsipyong “civilian supremacy over the military.”