Defensive Player of the Year, muling iginawad kay Marc Pingris-Balita

Defensive Player of the Year, muling iginawad kay Marc Pingris

Sa ikalawang sunod na taon, nakatakdang tanggapin ni San Mig Coffee power forward at Gilas Pilipinas standout Jean Marc Pingris ang karangalan bilang Defensive Player of the Year sa darating na PBA Press Corps 2014 Annual Awards Night sa Huwebes sa Richmond Hotel sa Eastwood City sa Libis, Quezon City.

Katunayan, ito ang ikatlong pagkakataon na nahirang si Pingris bilang Defensive Player opf the Year ng PBAPC matapos siyang mapili noong 2006 at sa nakaraang taon.

Dahil dito, napantayan na ng ipinagmamalaking anak ng Pozzorubio, Pangasinan ang dating Shell player na si Chris Jackson na tumanggap ng nasabing award noong 1998, 1999 at 2001.

Bukod kay Pingris, dalawa pa niyang kakampi ang nakatakdang tumanggap din ng parangal sa nasabing taunang awards rites sa katauhan nina Peter June Simon at Mark Barroca na siyang gagawaran ng Quality Minutes at Order of Merit awards, ayon sa pagkakasunod.

Nakatakda ring parangalan sa nasabing okasyon na itinataguyod ng PBA, Alaska, Barangay Ginebra San Miguel, Barako Bull, Blackwater Sports, Globalport, Kia Motors, Meralco, NLEX, Rain or Shine, San Mig Super Coffee, San Miguel Beer at Talk ‘N Text ang dalawa pang manlalaro na nakapag-iwan ng matinding impresyon sa nakalipas na season sa kanilang ipinamalas na performance.

Ang mga nasabing player ay sina dating Air21 center Paul Asi Taulava na tatanggap ng Bogs Adornado Comeback Player of the Year award at si Talk ’N Text guard Jayson Castro na pararangalan naman bilang Scoring Champion.

Pinakamatandang manlalaro sa liga sa edad na 41, pinatunayan ni Taulava na kaya pa rin niyang magdomina sa ilalim sa kanyang naitalang average na 14.75 puntos at 12.38 rebounds noong nakaraang taon kung saan isa siya sa mga naging malapit na katunggali sa Most Valuable Player (MVP) award ng nagwaging si June Mar Fajardo habang nakapagtala naman ng league-best 16.78 points average si Castro noong nakaraang season.

Nakatakda ring bigyan ng parangal ng PBAPC ang kanilang napiling All-Rookie Team na kinabibilangan nina Greg Slaughter ng Barangay Ginebra, Ian Sangalang at Justin Melton ng San Mig Super Coffee, Raymond Almazan ng Rain or Shine at Terrence Romeo ng Globalport, bukod pa sa Coach of the Year at Executive of the Year.

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...