Isang mananaya ang nanalo ng mahigit ₱366.6 milyong jackpot sa 6/58 Ultra Lotto draw nitong Biyernes ng gabi.
Ito ang isinapubliko ng Philippine Charity Sweepstakes Office (PCSO) at sinabing nahulaan ng naturang bettor ang winning combination na 43-58-37-47-27-17.
Ayon sa PCSO, tinamaan ng nasabing mananaya ang ₱366,687,465.20.
Hindi binanggit ng ahensya kung taga-saan ang naturang mananaya.
Gayunman, tatanggalan ng 20 porsyentong buwis ang nasabing premyo, bukod pa ang 1 percent na mapupunta sa PCSO agent kung saan nabili ang winning ticket.
