Isang Pinoy-Russian na babaeng negosyante at kasamang lalaki ang dinakip ng mga pulis nang makumpiskahan ng tinatayang aabot sa ₱1.3 milyon halaga ng pinaniniwalaang shabu sa isang ikinasang buy-bust operation sa Parañaque City, nitong Martes.
Kinilala ni City Police Chief Col. Maximo Frial Sebastian, Jr, ang mga naaresto na sina Myrna Sobinsky, 47, may asawa, businesswoman, at taga-San No. 1 Sa Miguel Street, San Antonio Valley 6, Barangay San Isidro, Parañaque City at Marjun Estolonio, 30, binata, at taga-No. 5 Bethlehem St., Sitio Nazareth, Valley 6. Brgy. San Isidro.
Sa ulat na natanggap ni Southern Police District chief, Brig. Gen Jimili Macaraeg, inaresto ang dalawa sa ikinasang buy-bust operation sa bahay ni Sobinsky, dakong 4:15 ng hapon.
Nasamsam sa dalawa ang 200 gramo ng pinaghihinalaang shabu na nagkakahalaga ng ₱1,360,000.
Iniimbestigahan pa ng mga awtoridad ang kaso.
Anti-dynasty bill, pasado na sa 2nd reading sa Kamara!
Inihahanda na ng pulisya ang kasong paglabag sa Comprehensive Dangerous Drugs Act of 2002 laban sa dalawang suspek
Bella Gamotea
