ni Bert de Guzman
Palalakasin pa ang National Electrification Administration (NEA) upang magkaloob ng total electrification sa kanayunan o mga baryo.
Lumikha ang House Committee on Energy sa pamumuno ni Pampanga Rep. Juan Miguel Macapagal-Arroyo ng isang technical working group (TWG) na mag-aaral at mag-aayos sa House Bill 468, na ang layunin ay lalong palakasin ang NEA sa pamamagitan ng pag-convert dito bilang National Electrification Authority.
Ang panukala na inakda ni Rep. Presley De Jesus (Party-list, PHILRECA), nilalayong ma-define at mapalawak ang mga kapangyarihan ang NEA, tungkulin at operasyon upang matamo ang patakaran ng gobyerno para sa total rural electrification.
SP Chiz matapos ang eleksyon: 'Oras na para isantabi ang pulitika!'
Ang TWG ay pamumunuan ni Rep. Sergio Dagooc (Party-list, APEC). Batay sa panukala, ang National Electrification Authority ay tuwirang ilalagay sa ilalim ng Office of the President at hindi isang nakadikit na tanggapan ng ano mang departamento.
