Huling naiulat na nasa malubhang kalagayan ang isang pulis nbang mabaril umano ng isang drug pusher sa ikinasang pagsalakay sa Roxas, Oriental Mindoro nitong Huwebes ng gabi.
Kinilala ng pulisya ang biktima na si Police Senior Master Sergeant Rolly Castellano, miyembro ng Provincial Intelligence Unit ng Oriental Mindoro Police Provincial Office (OMPPO).
Sa report, sinalakay ng grupo ni Castellano ang pinagtataguang bahay ng pinaghihinalaang tulak ng iligal na droga na si Jonas Galicia sa nasabing bayan.
Gayunman, nahalata ito ni Galicia na agad na kumuha ng baril at pinaputukan sa ulo si Castellano.
Metro
Doktor, patay nang tikman umano ang inuming ipinadala ng pasyente
Matapos ang insidente, agad na tumakas ang suspek sakay ng motorsiklo.
Pinaghahanap pa rin siya ng mga awtoridad.
-Fer Taboy
