Ipinag-utos kahapon ni Philippine National Police(PNP) chief Gen. Debold Sinas, ang imbestigasyon hinggil sa umano’y talamak na illegal logging activities sa Region 2.
Ang kautusan ay inilabas matapos ireklamo ng mga residente ng Cagayan Valley ang aktibidad ng illegal logging.
Sinabi ni PNP spokesperson B/Gen. Ildebrandi Usana, hindi nagpabaya ang PNP, partikular ang Police Regional Office (PRO-2) sa kanilang kampanya laban sa illegal logging.
Sinisi kasi ng mga residente ang umano’y talamak na illegal logging activities bilang sanhi ng malawakang pagbaha na naganap sa rehiyon.
China, walang natanggap na asylum application sa kampo ni FPRRD
Ayon kay Usana, nakatanggap sila ng report mula sa PRO-2 na bago pa man ang kalamidad sa Cagayan ay aktibo ang kanilang illegal logging campaign.
Sa ulat naman ni PRO-2 regional director B/Gen. Crizaldo Nievez, sa pagpapatupad nila ng anti-illegal logging campaign simula Pebrero hanggang sa kasalukuyang buwan, nakapagsagawa sila ng 322 operasyon kung saan 404 na illegal loggers ang naaresto, at 265 kaso ang naisampa.
Binigyang-diin ni Nievez na sa kampanyang ito ay 177,054 board feet ng lumber na nagkakahalaga ng higit P5 milyon ang narekober, at 86 assorted vehicles at 62 chainsaw ang nakumpiska, bukod sa mahigit 1,000 chainsaw na isinuko.
Paglilinaw ni ni Usana, checkpoints lang ang minamanduhan ng PNP at mga tauhan ng DENR ang nagbabantay sa kagubatan, gayunman, hindi aniya nagkukulang ang koordinasyon ng mga pulis sa mga DENR forester.
-FER TABOY
