Puwersahang pinasok ng apat na armado ang bahay ng dalawang suspek sa ilegal na droga bago tuluyang pagbabarilin at patayin sa Caloocan City, kahapon ng madaling araw.
Sa report kay Police Sr. Supt. Chito Galvez Bersaluna, hepe ng Caloocan Police, dead on the spot sina Edher Evangelista, 32; at “Buboy”, kapwa residente ng Block 97, Lot 4, Kawal Street, Purok 4, Barangay 28 ng nasabing lungsod.
Sa imbestigasyon ni PO1 Aldrew Matining, bandang 2:30 ng madaling araw, himbing ang mga biktima sa loob ng kanilang bahay.
Maya-maya’y dumating ang apat na suspek na pawang nakasuot ng jacket at helmet at sinira ang pintuan ng bahay ng mga biktima hanggang sa pagbabarilin sina Evangelista at Buboy.
Guanzon, overtime sa speech sa COC filing; Comelec humingi ng paumanhin
Narekober ng mga tauhan ng Scene on the Crime Operatives (SOCO) ang mga basyo ng cal. 45 at limang plastic sachet ng hinihinalang shabu. (Orly L. Barcala)
