Panadero at aso dedo sa kawad ng kuryente

By Balita Online

October 10, 2016

In BALITA

Nasawi ang isang panadero makaraang makuryente habang naglalakad sa matubig na kalsada, sa Malabon City, nitong Linggo ng hatinggabi.

Hindi na nadala pa sa pinakamalapit na ospital si Alfonso Mesina, alyas “Pado”, 59, ng No. 99 Lucas Compound, Governor Pascual Avenue, Barangay Catmon ng nasabing lungsod.

Sa imbestigasyon ni PO2 Benjamin Sy, dakong 12:00 ng hatinggabi nangyari ang insidente sa lugar ng biktima.

Naglalakad umano sa kalsada papasok sa kanilang compound si Mesina nang hindi niya mapansin ang kawad ng kuryente na nalaglag sa kalsada hanggang sa bigla na lang siyang nangisay.

Makaraan ang ilang sandali, isang asong gala naman ang napadaan sa mismong pinangyarihan at gaya ni Mesina ay nakuryente rin ito at namatay.

Sa puntong ito nagtulung-tulong ang mga residente na alisin ang kable ng kuryente upang wala nang mabiktima pa.

(Orly L. Barcala)

Anak ni Sen. Jinggoy Estrada, ginulpi sa Boracay

Nabugbog umano ng tatlong kalalakihan ang anak ni Senador Jinggoy Estrada at ibang kasama nito habang nagbabakasyon sa isla ng Boracay.Sa ulat ng Radyo Todo noong Sabado, Mayo 24, naglalakad umano anak ng senador papuntang D’Mall nang bigla silang sundan at pagtulungang suntukin ng tatlong lalaki sa tapat ng isang hotel sa Brgy. Balabag.Kinilala ang mga suspek na sina James Carl Vargas y Jason,...

Lumad teacher na pumanaw, nangangailangan ng tulong

Nanawagan ng tulong ang mga kasamahan ni Teacher Roshelle Mae Porcadilla na pumanaw matapos ang pakikipaglaban sa sakit na lupus.Sa isang Facebook post ng Save Our Schools Network noong Biyernes, Mayo 23, mabigat nilang ibinalita sa publiko ang nangyari kay Teacher Roshelle.“Mabigat sa aming puso ang pagbabahagi ng balita na si Teacher Roshelle Mae Porcadilla ay pumanaw na kahapon, Mayo 22,...

Dating posisyon ni Pope Leo XIV, ipinasa kay Cardinal Tagle

Iniluklok ni Pope Leo XIV si Cardinal Luis Tagle bilang isa sa pinakamataas na opisyal sa Vatican.Sa ulat ng CBCP News nitong Sabado, Mayo 24, sinabi nilang ipinasa umano ng Santo Papa kay Tagle ang titulo ng pagiging Cardinal Bishop ng Albano na pinaniniwalaang sa pitong pinakaimportanteng diyosesis na nakapalibot sa Roma. Ang nasabing posisyon ngayon ni Tagle ay dating ginampanan ni Pope Leo...