7 tripulanteng Indonesian, dinukot sa Sulu

By Balita Online

June 24, 2016

In BALITA

Pitong tripulanteng Indonesian ang dinukot habang naglalayag sa Sulu, iniulat kahapon ng gobyerno ng Indonesia.

Hinahatak ng mga tripulante ang isang coal barge sa Sulu nitong Lunes nang ma-hijack ng mga armado ang kanilang tugboat, ayon kay Indonesian Foreign Minister Retno Marsudi.

Pitong tripulante ang binihag sa dalawang magkahiwalay na pag-atake sa barko na may isang oras na pagitan, ayon kay Marsudi. Hindi naman ginalaw ang anim na iba pang sakay sa tugboat.

“The government will do everything possible to free these hostages,” sinabi ni Marsudi sa mga mamamahayag. “The safety of these seven Indonesian citizens is our priority.”

Sinabi naman ng tagapagsalita ng foreign ministry na hindi niya makumpirma kung humiling na ng ransom ang mga suspek, o kung ang Abu Sayyaf Group (ASG) ang nasa likod ng pagdukot.

Noong unang bahagi ng taong ito ay apat na tripulanteng Malaysian at 14 na Indonesian sailor ang dinukot ng Abu Sayyaf habang naglalayag sa Mindanao. Pinalaya na ang mga ito makalipas ang ilang buwan, ngunit hindi nabatid kung nagkabayaran ng ransom.

Inihayag naman ng gobyerno ng Pilipinas na sinisikap na nitong iberipika ang nasabing report.

Kapag nakumpirma, ito na ang magiging ikatlong pagdukot ng ASG sa mga tripulanteng Indonesian ngayong taon.

(Agencé France Presse)

TINGNAN: Listahan ng mga nag-file na kandidato sa pagkasenador at party-list

Narito ang listahan ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Linggo, Oktubre 6, sa ikaanim na araw ng filing.Ang listahang ito ay mula sa Commission on Elections (Comelec):SENATORIAL CANDIDATES:1. Bondoc, James Patrick Romero2. Guigayuma, Junbert Malinis3. Amad, Wilson Caritero4....

Pagbabawas ng isang taon sa kolehiyo, isinusulong ng party-list

Isa raw sa mga isusulong na plataporma ng EDU-AKSYON Party-list sa kongreso ay ang pagbabawas ng kurikulum sa kolehiyo nang maghain sila ng certificate of nominations and acceptance (CONA) ngayong Linggo, Oktubre 6, sa The Manila Hotel Tent City.Sa panayam ng media sa grupo, inilatag ni EDU-AKSYON Secretary General Domingo Brum, Jr. ang ilang detalye tungkol sa kanilang nasabing plataporma.“Isa...

Ex-Pres. Duterte sa mga kriminal sa Davao City: ‘Find another place!’

Matapos niyang ianunsyo na tatakbo siyang muli bilang mayor ng Davao City, binalaan ni dating Pangulong Rodrigo Duterte ang mga kriminal, lalo na raw ang mga sangkot sa ilegal na droga, na umalis na umano sa lungsod kung ayaw nilang humarap sa “consequences.”Sa isang press conference nitong Sabado, Oktubre 5, na inulat ng Manila Bulletin, iginiit ni Duterte na malawak ang Pilipinas na maaaring...