Tauhan ng PNP Crime Lab, SOCO, kinukulang na

By Balita Online

June 23, 2016

In BALITA

Inihayag ng Philippine National Police (PNP)-Crime Laboratory na kailangan nila ng karagdagang mga tauhan, partikular na ang Scene of the Crime Operations (SOCO) na rumeresponde kapag nauuwi sa karahasan o patayan ang mga anti-illegal drug operation ng pulisya.

Inamin si PNP Crime Lab director, Chief Supt. Emmanuel Arañas na naging abala ang kanilang tanggapan simula noong Mayo 10, o pagkatapos ng eleksiyon.

Aniya, nangangailangan ng karagdagang mga tauhan ang PNP Crime Laboratory lalo na ngayong magsisimula na ang administrasyong Duterte, dahil tiyak na mas marami silang rerespondehan kapag naisakatuparan ang banta na pagpatay sa mga sangkot sa ilegal na droga na papalag sa pagdakip.

Sa nakalipas na mga araw ay halos araw-araw na may naaaresto o napapatay na drug suspect kasunod ng pinaigting na kampanya ng pulisya laban sa ilegal na droga sa iba’t ibang panig ng bansa.

Sinabi ni Arañas, bukod sa pagkaabala sa mga kaso ng napapatay na drug traders, abala rin, aniya, ang PNP Crime Lab sa mga kaso ng pagpaslang sa mga magnanakaw.

Aniya, sa kasalukuyan ay mahigit 1,300 lang ang tauhan ng PNP Crime Lab sa buong bansa. (FER TABOY)

PRO3, nilinaw pagkaaresto sa mga Aeta sa Mt. Pinatubo

Nagbigay ng paglilinaw ang Police Regional Office - 3 kaugnay sa pagkakadakip sa ilang Aeta na nagsagawa ng protesta Mt. Pinatubo crater noong Abril 18.Sa Facebook post ng PRO3 nitong Biyernes, Abril 26, ang pag-aresto umano nila sa mga Aeta ay nakabatay sa paglabag sa “public passage and unauthorized entry into an environmentally protected area.”“Ang lahat ng aksyon na isinagawa ng ating...

Pope Francis, tinig ng awa, habag, at pag-asa —Pangilinan

Nagbigay ng pagpupugay si dating Senador Francis “Kiko” Pangilinan kay Pope Francis na pumanaw noong Lunes, Abril 21.Sa X post ni Pangilinan nitong Sabado, Abril 26, inilarawan niya ang Santo Papa bilang “tinig ng awa, habag, at pag-asa.” Aniya, “Sa panahon ng matitinding pagsubok at kaguluhan sa mundo, siya ang naging tinig ng awa, habag, at pag-asa.” “Sa kanyang pamumuno, ating...

9-anyos na bata, patay matapos makuryente ng tinatayang 20 minuto

Patay ang isang 9 na taong gulang na batang lalaki matapos umano siyang makuryente nang akyatin ang isang gate sa bakuran ng kapitbahay.Ayon sa mga ulat, iginiit umano ng lola ng biktima na naglalaro lang daw ang kaniyang apo nang mangyari ang aksidente.Samantala, isang netizen din ang inulan ng batikos matapos umano nitong i-live sa Facebook ang nangyayari sa biktima. Tinatayang tumagal din...