7 miyembro ng robbery gang, patay sa shootout

By Balita Online

June 20, 2016

In BALITA

CAMP OLIVAS, Pampanga - Patay ang pitong pinaghihinalaang miyembro ng Jimboy Santos carnapping group matapos makipagbarilan sa pulisya sa hangganan ng mga barangay ng Pandacaqui at San Jose sa Magalang, Pampanga, kahapon ng umaga.

Sinabi ni Chief Supt. Aaron Aquino, Central Luzon Police Regional Office director, na nakaengkuwentro ng mga tauhan ng Criminal Investigation and Detection Group (CIDG) ang pitong suspek dakong 11:00 ng umaga matapos makatanggap ang awtoridad ng impormasyon na bibiktimahin ng grupo ang CTEC Industries sa Bgy. Pandacaqui, Mexico, Pampanga.

Dahil dito, agad na bumuo ang pulisya ng dragnet operation hanggang maispatan ang mga suspek na sakay sa isang Mitsubishi Adventure at isang Mitsubishi Montero.

At nang atasang tumigil ng pulisya, humarurot pa ang mga suspek at pinaputukan ang mga tauhan ng CIDG, ayon kay Aquino.

Matapos ang ilang minutong habulan at barilan, nakorner din ang mga suspek sa Punta Verde Subdivision sa Angeles-Magalang, na roon sila bumulagta matapos ratratin ng pulisya.

Hanggang sa isinusulat ang balitang ito ay hindi pa rin mabatid ng pulisya ang pagkakakilanlan ng pitong suspek na umano’y sangkot din sa robbery at kidnapping activities. (Mar T. Supnad)

PRO3, nilinaw pagkaaresto sa mga Aeta sa Mt. Pinatubo

Nagbigay ng paglilinaw ang Police Regional Office - 3 kaugnay sa pagkakadakip sa ilang Aeta na nagsagawa ng protesta Mt. Pinatubo crater noong Abril 18.Sa Facebook post ng PRO3 nitong Biyernes, Abril 26, ang pag-aresto umano nila sa mga Aeta ay nakabatay sa paglabag sa “public passage and unauthorized entry into an environmentally protected area.”“Ang lahat ng aksyon na isinagawa ng ating...

Pope Francis, tinig ng awa, habag, at pag-asa —Pangilinan

Nagbigay ng pagpupugay si dating Senador Francis “Kiko” Pangilinan kay Pope Francis na pumanaw noong Lunes, Abril 21.Sa X post ni Pangilinan nitong Sabado, Abril 26, inilarawan niya ang Santo Papa bilang “tinig ng awa, habag, at pag-asa.” Aniya, “Sa panahon ng matitinding pagsubok at kaguluhan sa mundo, siya ang naging tinig ng awa, habag, at pag-asa.” “Sa kanyang pamumuno, ating...

9-anyos na bata, patay matapos makuryente ng tinatayang 20 minuto

Patay ang isang 9 na taong gulang na batang lalaki matapos umano siyang makuryente nang akyatin ang isang gate sa bakuran ng kapitbahay.Ayon sa mga ulat, iginiit umano ng lola ng biktima na naglalaro lang daw ang kaniyang apo nang mangyari ang aksidente.Samantala, isang netizen din ang inulan ng batikos matapos umano nitong i-live sa Facebook ang nangyayari sa biktima. Tinatayang tumagal din...